Sabado, 06 June 2020

Hanesan Aman ida Nia laran luak ba ninia oan sira, nune Nai iha laran luak ba ema sira nebee hamtauk iha nia. Tamba nia hatene ita nia isin, Nia hanoin hetan katak ita mak rai rahun (Salmo 103:13-14)

Tamba agora ita moris nebe kleur, husi ita sira nee barak maka tau matan fali ita nia familia nebe moras no familia nebe tinan avansadu. Maibe se maka hare no kuida ba ema nebe maka tau matan ema seluk nee? se maka tau matan sira nia secesidade?. Belun doben sira, se ita maka sai ema nebe tau matan ba ema seluk , tuir mai iha buat balun nebe ita tenke presica aprende para ita nia an rasik.

Primeiro, Husu Ajuda. Ema ida naran John Done hakerek hanesan nee ” Laiha ema ida maka ilhas ida ” primeiro dala ruma ita moe hodi atu husu ajuda maibe ita tenke halo ida too bainhira ita senti seguru ou bain bain ona. Komesa husi halo lista ba buat hotu nebe ita presica fo ba ema sira nebe ita hadomi no hadomi ita. spesifiku liu : servico uma laran nian,transportasi,osan ba sira pribadi,haris,roupa nsst. Kuando ita la hetan ajuda husi ita nia maluk sira nia ajuda ita la presica moe no hirus, diak liu ba fali fatin seluk. Tamba  iha ema balun iha ita nia sorin sorin sira hein hela ita atu husu, maka ema sira nee ema nebe ke sei fo ho haksolok ho kontente hodi servi ema seluk.

Segundu, Halo Koneksaun. Uja rekursu husi ita nia Igreja, programa komunitas, grupo suportador sira, no liu husi Internet. Husu ajuda mos ba ita nia familia, ita nia maluk nomos ita nia vizinho. Tamba biblia hateten hanesan nee ”  Ema ida nebe hamrik mesak nia bele lakon, maibe ema nain rua hamrik hamutuk sira bele halakon dala ruma tolu ou hat nee diak liu tan (Eklestiatiku 4:12).

Terceiro, ita tenke hanoin katak ita mos ema umanu. Mai ita hateten hanesan nee ”  Hanesan Aman ida Nia laran luak ba ninia oan sira, nune Nai iha laran luak ba ema sira nebee hamtauk iha nia. Tamba nia hatene ita nia isin, Nia hanoin hetan katak ita mak rai rahun (Salmo 103:13-14).  bainhira ita fokus tau matan ba ema seluk nia nesesidade no ita la egois ba an rasik buat ida nee hanesan ondradu ita mai iha ita nia moris, maibe dalaruma halo ita senti  sala, senti hirus, halo ita depresaun no ita senti kolen.

Belun doben sira, dala ruma ita emosaun fo imfluensa mai ita nia isin fisiku dalaruma la fo lisenca mai ita hodi sente isin saudavel, maibe  ita nia hakaas an sei halo ita nafatin tau matan ho domin ba ema sira nebe laiha kbiit hodi ita tau matan.

Hahan ba Klamar: Apokalipse 1–4, Markus 14: 43–52, Salmo 1, Probervius 13: 1