Quinta ,04 Junho 2020

Maluk doben sira, imi labele hakfodak ho ahi persegisaun nebe ke lakan mai iha imi sai hanesan teste hodi koko, hanesan buat tremendu ida nebe akontese ba o (1 Pedro 4:12)

Belun doben sira, Ita nia fiar no fé ba Nai Maromak mos la ses husi tentasaun : resultadu husi tentasaun sira nee hodi supporta ita be sae aumenta forti. Tentasaun sira nee mai husi aspetu oin oin hanesan moras, laiha servico, komflito iha familia uma laran nomos desafius privadu. No tentasaun sira nee nia tempu nebe la hanesan, tentasaun balun la dura tempu naruk maibe iha mos tentasaun nebe lori tempu nebe naruk tebes iha ita nia moris. No tentasaun sira nee hanesan laloran nebe iha intensidade nebe la hanesan. Maibe tentasaun sira nee barak liu maka hanesan.

Belun doben sira, Tentasaun sira nee bele halo ita hateten hanesan nee “ Se karik hau hatene tamba sa tentasaun ida nee akontese iha hau nia moris ‘’ Biblia fo resposta ba perguntas ida nee, iha buat rua iha biblia hateten : “ Ema nebe moris los hetan terus barak, maibe Nai sei salva nia husi buat hotu nee (Salmo 34:19 ). no ida tan “ Haksolok nafatin ba buat sira nee, mesmu agora imi hasoru triste tamba tentasaun sira nee, buat sira nee hotu hodi hatudu ita nia fiar nebe mos nebe iha falor as tebes liu fali osan mean no teste nia original liu husi ahi nune imi bele hetan louva, gloria, no ondra iha tempu bainhira Jesus Cristu hatudu nia aan ( 1Pedro 1:6:7).

Belun doben sira, ita Nia Maromak laos papai Natal laos maka sempre fo buat hotu nebe maka o presica hanesan o nia hakarak. Sim, los duni Maromak Nia promesas sempre hakarak fo bensaun ita, maibe bainhira fokus deit oinsa ita hetan bensaun ho implikasaun komesa ita husu ba sira seluk nia Fé iha maibe sira la hetan barak hanesan ita. Née sala! bainhira koalia kona ba Maromak Nia promesas bensaun laos katak ita ses ona husi problema. Entaun nune, se maka fo hatene ita? Laos Maromak!  Maromak Nia Liafuan hateten hanesan nee “ Labele sente tentasaun ida nee hanesan ahi ida nebe hodi julga ita, hanesan buat ida karik mai hasoru ho ita. Maturidade nebe lolos maka buat ida nebe ke akontese ho ita. Belun doben sira, Maturidade lolos maka bainhira ita hasoru ahi nebe halo moras hanesan prosesu ida para ita sai los aou puru. Buat nebe lolos maka, ita nunka hatene ita nia Fé forti too iha nebe bainhira ita iha neba.

Hahan ba klamar: 1 Liurai 18: 16-20: 43, Markus 14: 12–26, Salmo 124, Probervius 12:26