Quarta, 03 Junho 2020

“Hanoin Sai Ida deit , Hanoin no Objetivu ida deit” (1 Korintus 1:10)

Hau nia belun doben sira, tuir mai iha buat rua nebe ita presica hadia bainhira ita nia relasionamentu komesa sai aat. Primero, ita tenke kontra hasoru problema ida nee laos kontra hasoru ema ou ita nia kolega. Ita se labele hadia ita nia problema bainhira ita so konsentrasaun deit ba ema nebe ita fo sala nee ou ema nebe iha problema ho ita. Biblia hateten “ Resposta nebe maus bele redus problema maibe resposta ida nebe makaas bele hamosu problema (Proverbios 15:1).

Hau nia belun doben sira, bainhira ita atu resolve ou hadia komflitu ida, maka oinsa ita nia koalia sira nee tengke importante kumpri duni saida maka ita hateten. Ita tenke koalia lolos bainhira ita hetan ataka ita nia koalia ida nee ema sei simu ho rejeita ou defensif.  Ema nebe matenek no sai tasak maka ema nebe iha koinesemento nebe ke diak. Ema matenek nee bainhira nia koalia sempre gostu para ita rona tamba ninia liafuan nebe mesak diak (Probervius 16:21). Hau nia belun doben sira, Ita tlabele uja liafuan maldisaun, labele fo koitado, labele halo komparasaun, labele hakribik no labele iha liafuan hatun ba ema, maibe ita tenke uja liafuan nebe lori benefisiu para saida maka ita koalia ba ema nee nia bele hetan benefisiu (Efesu 4:29).

Segundu, Fokus deit ba ita nia relasionamento,laos fokus ba ita nia diferensia. Hau nia belun doben sira, la realistiku para ita deseja no hakarak ema hotu konkorda ou aprova ho buat hotu nebe ita koalia. Maibe bainhira ita fokus ba ita nia relasionamentu nune problema sei laiha falor, problema sei menus no problema laiha relevante ona iha ita nia moris. Dala barak ita hari fali ita nia relasaun mesmu ita labele resolve ita nia diferensia entre ita. Ita dala barak la konkorda ho laiha onestidade maibe tamba deit hodi Nai Maromak Nia graca buat nebe ita la konkorda ita mos bele konkorda. Dala ruma ita bele lao kaer liman mesmu dala la hateke ba malu nee laos katak ita tengke rende maibe ita komesa hetan solusaun ba relasionamento. Dala ruma ita sempre kontinua koalia no koalia maibe agora ita bele halo ou hadia ho laran nakonu ho domin.

Hau nia belun doben sira, rekonsiliasaun  signifika katak ita para ona istori malu, mesmu dala ruma problema nee sei ejisti hela. Nunee se maka ita atu kontaktu? Ho se maka ita nia relasionamentu hetan restaurasaun? foti ita nia telefone no ita halo prosesu hodi liga ba nia,

Hahan ba klamar nian : 1 Liurai 16: 1–18: 15, Markus 14: 1–11, Salmo 4, Probervius 12:25