Terca, 02 Junhu 2020

“ Hanoin Sai Ida deit , Hanoin no Objetivu ida deit” (1 Korintus 1:10) 

 Ligasaun ema ida ba ida presica halo tuir liu fali komitmentu ida nune presica iha servico hamutuk hodi hametin relasionamento ba diak liu. Nune ita bele fo hatene ba ita nia belun katak ninia sentimentu sei validu ou ejiste ho diak. Keta atu koko koalia ho ita nia belun ba buat nebe nia sente dadaun. Ita so bele rona nia no koalia doko ulun bainhira ita konkorda no doko ita nia bainhira ita la konkorda.

Hau nia belun doben sira, sentementu laos katak los hela deit nomos logis, maibe  ida nee real. David hateten hanesan nee, “ Bainhira Hau nia fuan laran sai triste, no hau nia laran senti moras hau sei beik no hau la hatene, hau hanesan animal deit iha o nia oin (Salmo 73:21–22)“ Dala barak ita hotu nia fuan aat hela nune bainhira ita foti desijaun mos sei sai aat. Maibe ema ida naran Salomao hateten hanesan nee “ Ema nia matenek halo nia sai pasensia dor, no ema nee ema seluk sei gava tamba nia gosta fo perdua (Prob 19:11).

Hau nia belun doben sira, Ita tenke Prontu no koko hodi hatene ita nia maluk ninia sentimentu no hateten ba nia “ Hei, hau iha interesse ho ita nia diferensia iha  relasionamento ida nee, maibe ita importante tebes ba hau “. Sim tebes, ida nee maka sakrifisiu para ita iha pasensia, pasensia hodi simu ita nia maluk nia hirus mesmu ke nia hirus nee la rasuavel. Maibe ita tengke hanoin katak, ida nee mos Jesus halo mai iha ita. Halo relasionamentu ba malu signifika katak ita tenke ita hola parte ho ita nia beleun ida nee. Jesus hateten “ Hei ema aat hasai uluk ai kabelak iha o nia matan, para o bele hare ho mos foer nebe iha o nia belun nia matan (Mateus 7:5) ‘’ Tamba ita balun iha matan nebe malahok ita tenke husu ajuda ba ita nia maluk balun para ajuda ita hodi hadia ita nia atitude antes ita hasoru malu ho ema seluk. Husu ba Nai Maromak, sera ke hau nee sempre iha problema? sera ke hau la realistik?  laiha sensitivu? ou sensitivu demais? Konfesa maka instrumentu ida nebe ke diak los, bainhira ita konfesa ita nia sala rasik ida nee hamenus ema seluk nia hirus mai iha ita.

Hau nia belun doben sira, labele foti razaun oin oin maibe ita tenke konfesa katak dala balun sala. Dala ruma ita hateten “Ah ida nee susar para atu konfesa, sim maibe Nai Maromak maka halo servico mai ita no hadia ita nia relasionamentu, (2 Korintus 5:18).

Hahan ba Klamar: 1 Liurai 14–15, Markus 13: 24–37, Salmo 121, Probervius 12: 23–24